राष्ट्रपति रामचन्द्र पौडेलद्वारा शुभ साइतमा दशैँको टीका, प्रसाद र जमरा ग्रहण
काठमाडौं। राष्ट्रपति रामचन्द्र पौडेलले यस वर्षको बडादशैँका अवसरमा शुभ साइतमा टीका, प्रसाद तथा जमरा ग्रहण गर्नुभएको छ। विजयादशमीको पावन अवसरमा उहाँले परम्पराअनुसार दशैँको टीका, प्रसाद र जमरा ग्रहण गर्नुभएको हो।दशैँ नेपालीहरूको प्रमुख सांस्कृतिक तथा धार्मिक पर्व हो। असत्यमाथि सत्यको विजय र अन्यायमाथि न्यायको विजयको प्रतीकका रूपमा मनाइने यस पर्वमा परिवारका ज्येष्ठ सदस्य तथा मान्यजनबाट टीका, जमरा र आशीर्वाद ग्रहण गर्ने परम्परा छ।दशैँले परिवार, आफन्त र समुदायबीच आपसी सद्भाव, एकता, प्रेम तथा भाइचाराको सम्बन्धलाई थप सुदृढ बनाउने विश्वास गरिन्छ। यस अवसरमा देशभरका नेपालीहरूले नयाँ उत्साह र उमङ्गका साथ टीका, जमरा तथा आशीर्वाद ग्रहण गरी पर्व मनाइरहेका छन्।**तस्बिरहरूमा राष्ट्रपति पौडेलले शुभ साइतमा दशैँको टीका, प्रसाद र जमरा ग्रहण गर्नुभएको दृश्यहरू समेटिएका छन्।
About The Author
