धनुषाको औरहीमा मोटरसाइकल दुर्घटना, दुई जना घाइते
कार्तिक ४।धनुषाको औरही गाउँपालिका–१ स्थित बजार टोलमा विद्यालय नजिकै मोटरसाइकल दुर्घटना हुँदा दुई जना घाइते भएका छन्।स्थानीयका अनुसार आज बिहान ज ११ प १४८० नम्बरको मोटरसाइकल दुर्घटनामा परेको हो। दुर्घटनामा मोटरसाइकलमा सवार दुई जना घाइते भएको र उनीहरूलाई उपचारका लागि अस्पताल लगिएको बताइएको छ।स्थानीयवासीका अनुसार दुर्घटनामा परेका व्यक्तिहरू हरिने बोर्डर क्षेत्रबाट आउँदै गरेको हुन सक्ने आशंका गरिएको छ। यद्यपि, दुर्घटना कसरी भयो भन्ने विषयमा विस्तृत विवरण आउन बाँकी छ।चाडपर्वको समयमा सवारीसाधनको चाप बढ्ने भएकाले सडक दुर्घटना न्यूनीकरणका लागि चालकलाई विशेष सावधानी अपनाउन आग्रह गरिएको छ। तीव्र गतिमा सवारी नचलाउन, मादक पदार्थ तथा लागूऔषध सेवन गरेर सवारी नचलाउन र ट्राफिक नियमको पूर्ण पालना गर्न आवश्यक छ।सडक सुरक्षा सबैको साझा जिम्मेवारी भएकाले आफ्नो स्वास्थ्य र अरूको जीवनको सुरक्षाका लागि सवारीसाधन सावधानीपूर्वक चलाउन सम्बन्धित सबैलाई आग्रह गरिएको छ।सुरक्षित यात्रा, सभ्य समाज।
About The Author
