Uncategorized
वीरगञ्जमा गहवामाईको १५१ मिटर लामो चुनरी यात्रा, हजारौँ भक्तजन सहभागी
वीरगञ्ज । वीरगञ्जस्थित प्रसिद्ध गहवामाई मन्दिरमा आइतबार १५१ मिटर लामो चुनरी यात्रा निकालिएको छ। गहवामाईप्रतिको अगाध आस्था र भक्तिभाव प्रकट गर्दै निकालिएको उक्त यात्रामा हजारौँ भक्तजन सहभागी भएका छन्।धार्मिक उत्साह र भक्तिमय वातावरणबीच सम्पन्न चुनरी यात्रामा श्रद्धालुहरूको उल्लेख्य सहभागिता रहेको थियो। भक्तजनहरूले गहवामाईको जयजयकार गर्दै माता गहवामाईप्रति श्रद्धा व्यक्त गरेका थिए। चुनरी यात्राले वीरगञ्जको धार्मिक तथा सांस्कृतिक पहिचानलाई थप उजागर गरेको छ।वीरगञ्जकी आराध्यदेवीका रूपमा पूजिँदै आएकी गहवामाईको दर्शन तथा पूजाआजाका लागि मन्दिर परिसरमा भक्तजनहरूको चहलपहल बढेको छ। धार्मिक आस्था, परम्परा र सामूहिक सहभागिताले चुनरी यात्रालाई विशेष बनाएको छ।
About The Author
