जेन–जी सहिद दिवसमा देशभर स्मृति कार्यक्रम
काठमाडौं — जेन–जी आन्दोलनका क्रममा ज्यान गुमाएका सहिदहरूको सम्झनामा आज देशभर ‘जेन–जी सहिद दिवस’ मनाइँदै छ। दिवसका अवसरमा विभिन्न स्थानमा श्रद्धाञ्जली तथा स्मृति कार्यक्रम आयोजना भइरहेका छन्।काठमाडौंको नयाँ बानेश्वरस्थित पुरानो संसद् भवनको प्रांगणमा जेन–जी सहिद कल्याणकारी समाजले विशेष स्मृति कार्यक्रम आयोजना गरेको छ। कार्यक्रममा गृहमन्त्री सुधन गुरुङ प्रमुख अतिथिका रूपमा सहभागी भएका छन्।स्मृति कार्यक्रममा सरकारका विभिन्न मन्त्री, सांसद, जेन–जी आन्दोलनसँग सम्बन्धित प्रतिनिधि, सहिद परिवार तथा सर्वसाधारणको उपस्थिति रहेको छ। सहभागीहरूले आन्दोलनका क्रममा ज्यान गुमाएका सहिदहरूप्रति श्रद्धाञ्जली अर्पण गर्दै उनीहरूको योगदानको स्मरण गरेका छन्।सरकारले जेन–जी आन्दोलन भएको दिन २३ भदौलाई ‘जेन–जी सहिद दिवस’ का रूपमा घोषणा गरेको छ। दिवसका अवसरमा सरकारले आज देशभर सार्वजनिक बिदासमेत दिएको छ।जेन–जी आन्दोलनका क्रममा भएका घटनामा ज्यान गुमाएकाहरूको स्मृतिलाई संस्थागत रूपमा संरक्षण गर्ने तथा सहिद परिवारको योगदानलाई सम्मान गर्ने उद्देश्यले विभिन्न कार्यक्रम आयोजना गरिएको आयोजकहरूले बताएका छन्।दिवसका अवसरमा काठमाडौंलगायत देशका विभिन्न जिल्लामा श्रद्धाञ्जली सभा, स्मृति कार्यक्रम तथा अन्य कार्यक्रम आयोजना भइरहेका छन्।
About The Author
