इरानमा फसेका नेपाली अमृत झा रिहा, स्वदेश फर्काउने तयारी तीव्र

इरानको नियन्त्रणमा रहेका ३३ वर्षीय नेपाली युवा अमृत झा रिहा भएका छन्। रिहाइसँगै नेपाल सरकारको परराष्ट्र मन्त्रालयले उनलाई स्वदेश फर्काउन पहल सुरु गरेको जनाएको छ। तेहरानस्थित नेपाली अनररी कन्सुल जनरलमार्फत स्थानीय अदालतबाट रिहाइ आदेश आएको भन्ने जानकारी अनौपचारिक रूपमा प्राप्त भएको मन्त्रालयले जनाएको छ।

मन्त्रालयका अनुसार उक्त आदेशको विस्तृत विवरण माग गरिएको छ र आवश्यक प्रक्रिया पूरा गरी झालाई नेपाल ल्याउन तेहरानस्थित कन्सुल जनरल तथा दोहास्थित नेपाली दूतावासमार्फत पहल जारी राखिएको छ। झाको सुरक्षित स्वदेश फिर्तीका लागि कूटनीतिक पहल तीव्र पारिएको मन्त्रालयले उल्लेख गरेको छ।

Mithila Times

About The Author

Mithila Times

See author's posts