Uncategorized
छापिएका १,६७३ सवारी लाइसेन्स लिन यातायात विभागको आग्रह
MITHILA TIMESmithila-times.com
काठमाडौं — यातायात व्यवस्था विभागले छापिएका १ हजार ६७३ सवारी चालक अनुमतिपत्र (लाइसेन्स) लिन सेवाग्राहीलाई आग्रह गरेको छ। विभागले सोमबार आफ्नो आधिकारिक फेसबुक पेज ‘हेल्लो यातायात व्यवस्था विभाग’ मार्फत उक्त जानकारी सार्वजनिक गरेको हो।विभागका अनुसार हालसम्म छापिइसकेका ती सवारी चालक अनुमतिपत्र सम्बन्धित व्यक्तिहरूले समयमै नलिएको पाइएकाले लिन आउन अनुरोध गरिएको हो। लाइसेन्स लिन आउँदा सेवाग्राहीहरूले सक्कल राजश्व तिरेको सबै रसिद तथा पुरानो सवारी चालक अनुमतिपत्र अनिवार्य रूपमा साथमा ल्याउनुपर्ने विभागले जनाएको छ।विभागले आवश्यक कागजातसहित सम्बन्धित कार्यालयमा उपस्थित भई आफ्नो सवारी चालक अनुमतिपत्र बुझ्न सबै सेवाग्राहीलाई अनुरोध गरेको छ। साथै लाइसेन्स प्राप्तिमा ढिलाइ नगर्न पनि विभागले आग्रह गरेको छ।
About The Author
