Uncategorized
निर्वाचन सुरक्षामा नयाँ रेकर्ड: मानवीय क्षतिरहित र शान्तिपूर्ण मतदान सम्पन्न
MITHILA TIMESmithila-times.com
काठमाडौं, २१ फाल्गुण — मुलुकभर प्रतिनिधिसभा सदस्य निर्वाचन उत्साहजनक र तुलनात्मक रूपमा शान्तिपूर्ण वातावरणमा सम्पन्न भएको छ। निर्वाचन आयोग र सुरक्षा निकायका अनुसार यसपटकको निर्वाचनमा सुरक्षाकर्मीले बल प्रयोग गर्नुपर्ने अवस्था नआएको र मानवीय क्षति बिना मतदान प्रक्रिया पूरा भएको छ।केही स्थानमा सामान्य विवाद र प्राविधिक अवरोध देखिए पनि सुरक्षाकर्मीको समन्वयमा अवस्था तत्काल नियन्त्रणमा लिइएको थियो। दोलखा र उदयपुरमा साना घटना भए पनि मानवीय क्षति नभएको सुरक्षा अधिकारीहरूले जनाएका छन्।निर्वाचनमा करिब ३ लाख ३४ हजार सुरक्षाकर्मी परिचालन गरिएको थियो। लाठीचार्ज वा ठूलो सुरक्षा हस्तक्षेप नगरी सम्पन्न भएको यो निर्वाचनलाई सुरक्षा व्यवस्थापनको दृष्टिले सकारात्मक उपलब्धिका रूपमा हेरिएको छ।
About The Author
