बारा । राष्ट्रिय स्वतन्त्र पार्टी (रास्वपा) को चुनावी प्रचार–प्रसारमा प्रयोग भइरहेको एक गाडीबाट रक्सी र बियर बरामद भएपछि दुई जनालाई प्रहरीले नियन्त्रणमा लिएको छ।जिल्ला प्रहरी कार्यालयका अनुसार नियमित चेकजाँचका क्रममा प्रचारमा हिँडिरहेको उक्त गाडी रोकी जाँच गर्दा ठूलो परिमाणमा मदिराजन्य पदार्थ फेला परेको हो। निर्वाचन आचारसंहिताअनुसार मतदानको मिति नजिकिँदै गर्दा मदिरा ओसारपसार तथा वितरणमा कडाइ गरिएकाले प्रहरीले विशेष निगरानी बढाएको जनाएको छ।प्रहरीले गाडीमा सवार दुई जनालाई नियन्त्रणमा लिएर आवश्यक अनुसन्धान सुरु गरेको छ। बरामद मदिरा कसरी र किन ल्याइँदै थियो भन्नेबारे सोधपुछ भइरहेको प्रहरीले जनाएको छ।निर्वाचन आचारसंहिता उल्लंघन भएको आशंकामा घटनाबारे थप छानबिन भइरहेको र दोषी ठहर भए कानुनअनुसार कारबाही प्रक्रिया अघि बढाइने बताइएको छ।यस घटनापछि सम्बन्धित राजनीतिक दलका स्थानीय नेताहरू समेत घटनास्थल पुगेका थिए। प्रहरीले भने अनुसन्धान प्रभावित नहुने गरी कानुनी प्रक्रिया अघि बढाइने स्पष्ट पारेको छ।
About The Author
