बारा । बारा निर्वाचन क्षेत्र नम्बर ४ अन्तर्गत विभिन्न वडामा पूर्व प्रहरी महानिरीक्षक सर्वेन्द्र खनाल ले स्थानीय बासिन्दासँग भेटघाट तथा छलफल गर्नुभएको छ।कार्यक्रमका क्रममा युवाहरूसँग खेलमैदानमा संवाद गर्दै उहाँले समाजमा सुशासन, पारदर्शिता र विकासको आवश्यकता औंल्याउनुभयो। स्थानीय नागरिकले रोजगारी, पूर्वाधार विकास र शान्ति–सुरक्षाका विषयमा आफ्ना धारणा राखेका थिए।त्यसैगरी, वडामा घरदैलो कार्यक्रमअन्तर्गत उहाँले जेष्ठ नागरिक तथा समुदायका अगुवासँग पनि भेटघाट गर्नुभयो। भेटका क्रममा स्थानीय समस्याबारे जानकारी लिँदै समाधानका लागि सहकार्य गर्ने प्रतिबद्धता व्यक्त गर्नुभयो।कार्यक्रममा उल्लेख्य संख्यामा युवा तथा स्थानीय बासिन्दाको उपस्थिति रहेको थियो।
About The Author
