गेटवे होटलमा आचारसंहिता कार्यक्रमप्रति प्रश्न: महासंघकै भवन हुँदाहुँदै सीमित सहभागिता
वीरगञ्ज । नेपाल पत्रकार महासंघ पर्साको आयोजनामा निर्वाचन आचारसंहिता सम्बन्धी कार्यक्रम सम्पन्न भएको छ। तर कार्यक्रमको स्वरूप र सहभागितालाई लिएर पत्रकार वृत्तमै प्रश्न उठेको छ।महासंघ पर्सासँग आफ्नै भवन हुँदाहुँदै कार्यक्रम गेटवे होटलमा आयोजना गरिएको तथा करिब २० जना मात्र सहभागी गराइएको भन्दै असन्तुष्टि व्यक्त गरिएको हो। महासंघमा डेढ सयभन्दा बढी पत्रकार आबद्ध रहे पनि फिल्डमा खटिने आम सञ्चारकर्मीलाई व्यापक रूपमा जानकारी नदिइएको गुनासो छ।केही पत्रकारले “कति साथीलाई फोन आयो?” भन्ने प्रश्न उठाउँदै कार्यक्रम सीमित दायरामा राखिएको आरोप लगाएका छन्। उनीहरूका अनुसार निर्वाचनजस्तो संवेदनशील विषयमा आचारसंहिता सम्बन्धी कार्यक्रम महासंघकै भवनमा बृहत् रूपमा आयोजना गरी सबै सदस्यलाई सहभागी गराउनु उपयुक्त हुने थियो।यस विषयमा आयोजक पक्षले भने व्यवस्थापन तथा समन्वयका कारण सीमित सहभागितामा कार्यक्रम सम्पन्न गरिएको जनाएको छ। तर पत्रकार समुदायभित्र पारदर्शिता, समावेशिता र संस्थागत गरिमाको विषयमा बहस भने चर्किएको छ।
About The Author
