सीमाबाट तस्करी छिर्न दिने, भित्रिएपछि गोदाममा छापा — ‘दोहोरो नीति’ आरोपपछि वीरगञ्जमा व्यापारी–सुरक्षाकर्मी झडप
वीरगञ्ज । पर्सा जिल्लामा कार्यरत सशस्त्र प्रहरीमाथि सीमाक्षेत्रबाट अवैध सामान भित्रिन दिने र नेपाल भित्रिएपछि गोदाममा छापा मारेर नियन्त्रणमा लिने ‘दोहोरो नीति’ अपनाएको गम्भीर आरोप लागेको छ। यही आरोपको पृष्ठभूमिमा वीरगञ्ज महानगरपालिका–१० आदर्शनगरस्थित एक गोदाममा भएको छापामारीका क्रममा व्यापारी र सुरक्षाकर्मीबीच झडप भएको छ।राजस्व छलीको आशंकामा वीरगञ्ज भन्सार कार्यालय र सशस्त्र प्रहरीको संयुक्त टोलीले उक्त गोदाममा छापा मारेपछि अवस्था तनावपूर्ण बनेको थियो। व्यापारीहरूले सामानको वैध बिलबिजक हुँदाहुँदै नियन्त्रणमा लिन खोजिएको भन्दै विरोध जनाए। विरोध चर्किँदै जाँदा दुवै पक्षबीच धकेलाधकेल र झडपको अवस्था सिर्जना भएको प्रत्यक्षदर्शीले बताएका छन्।झडपका क्रममा ढुङ्गामुढा प्रहार हुँदा सशस्त्र प्रहरीको गाडीमा क्षति पुगेको छ भने एकजना सशस्त्र प्रहरी कर्मचारी घाइते भएका छन्। घाइते सुरक्षाकर्मीको स्थानीय स्वास्थ्य संस्थामा उपचार भइरहेको जनाइएको छ।स्थानीय व्यवसायीहरूले सीमाक्षेत्रमा हुने गतिविधिमाथि प्रभावकारी निगरानी नगरी गोदाम र पसलहरूमा मात्र कारबाही गर्ने प्रवृत्तिले वैध रूपमा व्यवसाय सञ्चालन गरिरहेका व्यापारीसमेत समस्यामा पर्ने गरेको गुनासो गरेका छन्। उनीहरूका अनुसार बिलबिजक प्रस्तुत गर्दा पनि सामान जफत गर्ने, बेवारिसे घोषणा गर्ने र निलामी गर्ने अभ्यास बढ्दो क्रममा छ।व्यापारीहरूको दाबी छ— सीमाक्षेत्रमै हुने तस्करी नियन्त्रणमा कडाइ नगर्दा अवैध कारोबार मौलाइरहेको छ, तर नेपाल भित्रिएका सामानमाथि मात्र कारबाही गर्दा वास्तविक समस्या समाधान हुन सक्दैन।यता सशस्त्र प्रहरीका अधिकारीहरूले भने आरोप अस्वीकार गर्दै राजस्व चुहावट रोक्न कानुनअनुसार कारबाही गरिएको बताएका छन्। घटनाबारे थप अनुसन्धान भइरहेको र तथ्यका आधारमा आवश्यक कदम चालिने उनीहरूको भनाइ छ।घटनापछि आदर्शनगर क्षेत्रमा सुरक्षा सतर्कता बढाइएको छ। यस घटनाले व्यवसायी र सुरक्षाकर्मीबीचको सम्बन्ध थप तनावपूर्ण बन्न सक्ने चिन्ता व्यक्त गरिएको
About The Author
