आईजीपी दानबहादुर कार्कीको नेतृत्वमा प्रहरी संगठनले पायो ऐतिहासिक न्याय
काठमाडौं – नेपाल प्रहरी संगठनका हजारौं कर्मचारीका लागि आजको दिन स्मरणीय बनेको छ। नेपाल प्रहरीका महानिरीक्षक (आईजीपी) दानबहादुर कार्कीको नेतृत्वपछि गरिएको प्रतिबद्धता व्यवहारमा उतारिँदै प्रहरीको दीर्घकालीन माग सम्बोधन भएको छ। सरकारले नेपाल प्रहरीको राशन स्केल वृद्धि गर्ने निर्णय गरेसँगै संगठनभित्र लामो समयदेखि महसुस हुँदै आएको असमानताको अन्त्य भएको छ।आईजीपी कार्कीले दर्ज्यानी चिन्ह समारोहका क्रममा व्यक्त गर्नुभएको प्रतिबद्धता केवल शब्दमा सीमित रहेन। निरन्तर पहल, स्पष्ट दृष्टिकोण र दृढ अडानका कारण माघ १५ गते बसेको मन्त्रिपरिषद् बैठकले नेपाल प्रहरीको राशन स्केल वृद्धि गर्ने निर्णय गरेको हो। यस निर्णयअनुसार अब फागुन १ गतेदेखि नेपाल प्रहरीले अन्य सुरक्षा निकाय सरहको राशन सुविधा प्राप्त गर्नेछ।विगतमा नेपाल प्रहरी अन्य सुरक्षा निकायको तुलनामा राशन सुविधामा पछाडि पारिँदै आएको थियो। यही विभेद अन्त्य गर्न आईजीपी कार्कीले पदभार सम्हालेदेखि नै नीतिगत तहमा सक्रिय पहल गर्दै आउनुभएको थियो। प्रहरी संगठनको आवाजलाई राज्यसम्म पुर्याउने उहाँको प्रयासले आज ठोस परिणाम दिएको छ।यो निर्णयले प्रहरी कर्मचारीको मनोबल उल्लेख्य रूपमा बढाएको छ। संगठनभित्र समानता, पेशागत सम्मान र न्यायको अनुभूति थप मजबुत बनेको छ। सुरक्षाको अग्रपंक्तिमा खटिने प्रहरीका लागि यो निर्णय सुविधा मात्र नभई राज्यबाट प्राप्त सम्मान र विश्वासको प्रतीक बनेको छ।आईजीपी दानबहादुर कार्कीको कार्यकालमा नेपाल प्रहरीलाई आधुनिक, सक्षम र जनमैत्री बनाउने लक्ष्यसहित विभिन्न सुधार कार्यक्रम अघि बढिरहेका छन्। सेवा प्रवाह सुधार, संगठनात्मक सुदृढीकरण र कर्मचारी कल्याणमा उहाँको सक्रियता स्पष्ट देखिँदै आएको छ।
About The Author
