सरकारी स्वास्थ्य संरचनाभित्र बसेर निष्पक्ष सेवा प्रवाह गर्नुपर्ने जिम्मेवारीमा रहेका स्वास्थ्य शाखा प्रमुख अलि अकबर हुसेनको भूमिकामाथि गम्भीर प्रश्न उठ्न थालेको छ। स्वास्थ्य सेवा प्रमुखको हैसियतमा रहँदै उनले राजनीतिक पूर्वाग्रहका आधारमा काम गरिरहेको आरोप सार्वजनिक रूपमा लाग्न थालेपछि विषयले व्यापक चासो पाएको छ।स्थानीय तहका जनप्रतिनिधि, स्वास्थ्यकर्मी तथा सरोकारवालाहरूका अनुसार अलि अकबर हुसेनले स्वास्थ्य सेवाभन्दा बढी राजनीतिक गतिविधिमा सक्रियता देखाएको आरोप छ। स्वास्थ्य शाखाबाट सञ्चालन हुनुपर्ने कार्यक्रम, बजेट तथा जनस्वास्थ्यसँग जोडिएका निर्णयहरूमा पनि निश्चित राजनीतिक शक्तिलाई फाइदा पुग्ने गरी प्रभाव पारिएको दाबी गरिएको छ।आरोपअनुसार स्वास्थ्य सामग्री वितरण, कर्मचारी व्यवस्थापन, अस्थायी नियुक्ति तथा कार्यक्रम छनोटमा पारदर्शिता नदेखाई राजनीतिक निकटताका आधारमा निर्णय गरिएको छ। यसले गर्दा वास्तविक सेवाग्राहीहरू मर्कामा परेको र स्वास्थ्य सेवा प्रभावकारितामा नकारात्मक असर परेको गुनासो बढ्दै गएको छ।सरोकारवालाहरू भन्छन्, “स्वास्थ्य शाखा प्रमुखको भूमिका राजनीतिक होइन, पूर्ण रूपमा प्राविधिक र सेवामुखी हुनुपर्छ। तर यहाँ त शाखा प्रमुख नै राजनीतिक एजेन्टझैँ प्रस्तुत भइरहेको देखिन्छ।” यही कारण स्वास्थ्य प्रशासनको विश्वसनीयतामाथि नै प्रश्न उठ्न थालेको छ।यस विषयमा अलि अकबर हुसेन पक्षबाट औपचारिक स्पष्टिकरण आउन बाँकी रहेको छ। तर बढ्दो आलोचना र सार्वजनिक दबाबबीच सम्बन्धित निकायले छानबिन गरी यथार्थ बाहिर ल्याउनुपर्ने माग तीव्र बन्दै गएको छ।यदि आरोप सत्य ठहरिएमा यसले केवल एक व्यक्तिको होइन, सम्पूर्ण स्वास्थ्य प्रणालीको साखमा गम्भीर असर पार्ने भएकाले समयमै निष्पक्ष अनुसन्धान र आवश्यक कारबाही अपरिहार्य देखिन्छ।
About The Author
