कलैया, ०२ माघ । राष्ट्रिय स्वतन्त्र पार्टी (रास्वपा) का केन्द्रीय सदस्य प्रकाशचन्द्र परियारको गाडीमा अज्ञात समूहले तोडफोड गरेको छ। पार्टी कार्यक्रमका लागि गोरखाको भीमसेनथापा गाउँपालिका–३ पुगेका परियारले प्रयोग गर्दै आएको गाडी पार्किङ गरिएको अवस्थामा तोडफोड भएको हो।रास्वपा प्रवक्ता मनिष झाका अनुसार परियारको गाडी गत राति पार्किङ गरिएको स्थानमै तोडफोड गरिएको पाइएको छ। घटनाको जानकारी पाएलगत्तै प्रहरी टोली घटनास्थलमा पुगेर प्रारम्भिक विवरण संकलन गर्नुका साथै आवश्यक प्रमाण संकलन गरेको छ।प्रहरीले हालसम्म गाडी तोडफोडको स्पष्ट कारण खुल्न नसकेको जनाएको छ। घटनामा संलग्न व्यक्तिहरूको पहिचान तथा पक्राउका लागि खोजी कार्य तीव्र पारिएको र घटनाबारे थप अनुसन्धान भइरहेको प्रहरीको भनाइ छ।घटनाप्रति रास्वपाले गम्भीर ध्यानाकर्षण जनाउँदै दोषीलाई छिटो पहिचान गरी कानुनी दायरामा ल्याउन माग गरेको छ। राजनीतिक गतिविधिमा संलग्न व्यक्तिको सुरक्षामाथि प्रश्न उठ्ने गरी भएको यस घटनाले स्थानीयस्तरमा चासो र चिन्ता बढाएको छ।
About The Author
