होली पर्वको अवसरमा मिथिला टाइम्सद्वारा शुभकामना सन्देश
रङहरूको महान् पर्व होलीको पावन अवसरमा मिथिला टाइम्सले सम्पूर्ण देशवासी तथा पहाडी समुदायमा हार्दिक शुभकामना व्यक्त गरेको छ।मिथिला टाइम्सको जनकपुर शाखाको तर्फबाट सम्पादक अनमोल ठाकुरले जारी गर्नुभएको शुभकामना सन्देशमा होलीले आपसी प्रेम, सद्भाव, सहिष्णुता र एकताको भावना अझ सुदृढ बनाउने विश्वास व्यक्त गर्नुभएको छ। उहाँले विविधता नै हाम्रो पहिचान भएको उल्लेख गर्दै पर्वहरूले समाजलाई नजिक ल्याउने महत्वपूर्ण भूमिका खेल्ने बताउनुभयो।शुभकामना सन्देशमा सबैलाई सुरक्षित, सभ्य र मर्यादित रूपमा होली मनाउन आग्रह गरिएको छ। सामाजिक सद्भाव कायम राख्दै एकअर्काको सम्मान गर्ने संस्कारलाई अझ बलियो बनाउन पनि उहाँले अपिल गर्नुभएको छ।मिथिला टाइम्सले होलीको अवसरमा सम्पूर्ण पाठक तथा शुभेच्छुकप्रति कृतज्ञता व्यक्त गर्दै आगामी दिनहरूमा पनि सत्य, तथ्य र निष्पक्ष समाचार सम्प्रेषण गर्ने प्रतिबद्धता दोहोर्याएको छ।रङहरूको यो पर्वले सबैको जीवनमा खुशी, उत्साह र समृद्धि ल्याओस् भन्ने कामनासहित मिथिला टाइम्स परिवारले पुनः सबैमा हार्दिक शुभकामना व्यक्त गरेको छ।
About The Author
