घोराहीको भानुचोकमा प्रतिनिधिसभा निर्वाचन सुरक्षाका लागि नेपाली सेना परिचालन
दाङ — घोराही उपमहानगरपालिका–१५ स्थित घोराही बजारको भानुचोक क्षेत्रमा प्रतिनिधिसभा निर्वाचनलाई लक्षित गर्दै सुरक्षा व्यवस्था कडा पारिएको छ। निर्वाचन सुरक्षामा सहयोग पुर्याउने उद्देश्यले नेपाली सेना का सुरक्षाकर्मीहरू उक्त क्षेत्रमा खटिएका छन्।निर्वाचनको मिति नजिकिँदै जाँदा सम्भावित सुरक्षा चुनौतीलाई मध्यनजर गर्दै स्थानीय प्रशासनले संवेदनशील स्थानहरूमा सुरक्षा सतर्कता बढाएको जनाएको छ। भानुचोक घोराही बजारको प्रमुख व्यापारिक तथा आवतजावत बढी हुने क्षेत्र भएकाले यहाँ विशेष निगरानी व्यवस्था मिलाइएको छ।सुरक्षाकर्मीहरूले मतदान केन्द्र वरपर नियमित गस्ती, चेकजाँच तथा आवश्यक समन्वय गरिरहेका छन्। स्थानीय प्रशासनका अनुसार मतदान प्रक्रियालाई स्वच्छ, निष्पक्ष र भयरहित वातावरणमा सम्पन्न गराउन बहु–निकाय समन्वयमा सुरक्षा योजना कार्यान्वयन गरिएको छ।स्थानीय बासिन्दाले पनि निर्वाचन शान्तिपूर्ण रूपमा सम्पन्न होस् भन्ने अपेक्षा व्यक्त गरेका छन्। प्रशासनले सर्वसाधारणलाई अफवाहमा नलाग्न र कुनै पनि शंकास्पद गतिविधि देखिएमा तत्काल सुरक्षाकर्मीलाई जानकारी गराउन आग्रह गरेको छ।
About The Author
