मोरङबाट रु. १३ लाख ४९ हजार बराबरको अवैध चोरी–पैठारीका सामान बरामद
मोरङ, १९ असोज । सशस्त्र प्रहरी बल, नेपालले मोरङ जिल्लाका विभिन्न सीमावर्ती क्षेत्रबाट भन्सार छली तथा अवैध रूपमा चोरी–पैठारी गरी नेपाल भित्र्याइएका रु. १३ लाख ४९ हजार बराबरका सामान बरामद गरेको छ।सीमा क्षेत्रमा खटिएको सशस्त्र प्रहरी टोलीले नियमित गस्ती, निगरानी तथा जाँचका क्रममा भारतबाट अवैध रूपमा नेपालतर्फ ल्याउँदै गरेको अवस्थामा विभिन्न प्रकारका सामान नियन्त्रणमा लिएको हो।बरामद गरिएका सामानमा भन्सार छली गरी ल्याइएका विभिन्न सामग्री रहेको सशस्त्र प्रहरीले जनाएको छ। नियन्त्रणमा लिइएका सामानको प्रारम्भिक मूल्याङ्कन गर्दा कुल रु. १३ लाख ४९ हजार बराबर रहेको बताइएको छ।सशस्त्र प्रहरीले बरामद सामानलाई आवश्यक कानुनी प्रक्रिया पूरा गरी सम्बन्धित भन्सार कार्यालयमा दाखिला गरेको जनाएको छ। सीमा क्षेत्रमा हुने चोरी–पैठारी तथा अवैध ओसारपसार नियन्त्रणका लागि नियमित गस्ती, निगरानी र जाँचलाई थप कडाइ गरिएको सशस्त्र प्रहरीको भनाइ छ।सीमावर्ती क्षेत्रमा अवैध गतिविधि नियन्त्रण तथा राजस्व चुहावट रोक्न सशस्त्र प्रहरीले आगामी दिनमा समेत निगरानीलाई निरन्तरता दिने जनाएको छ।
About The Author
