Uncategorized
रुपन्देहीबाट १० लाख रुपैयाँ बराबरको अवैध किराना सामान बरामद, ई–रिक्सा र स्कुटरसहित नियन्त्रणमा
MITHILA TIMESmithila-times.com
रुपन्देही । रुपन्देहीबाट सशस्त्र प्रहरीले करिब १० लाख रुपैयाँ बराबरको अवैध किराना सामान बरामद गरेको छ।सशस्त्र प्रहरी बल, नेपालका अनुसार २०८३ असोज ८ गते रुपन्देहीमा गरिएको कारबाहीका क्रममा अवैध रूपमा ओसारपसार भइरहेको किराना सामग्री बरामद गरिएको हो।बरामद गरिएको सामानमा विभिन्न प्रकारका किराना सामग्री रहेको जनाइएको छ। उक्त सामान ओसारपसारमा प्रयोग भएको ई–रिक्सा र स्कुटरसमेत नियन्त्रणमा लिइएको सशस्त्र प्रहरीले जनाएको छ।बरामद सामान तथा सवारीसाधनलाई आवश्यक कारबाहीका लागि सम्बन्धित निकायमा बुझाउने प्रक्रिया अघि बढाइएको जनाइएको छ।सशस्त्र प्रहरीले सीमा क्षेत्रमा हुने अवैध ओसारपसार तथा भन्सार छली नियन्त्रणका लागि निगरानी र कारबाहीलाई निरन्तरता दिँदै आएको जनाएको छ।
About The Author
