Uncategorized
क्यासिनो प्रकरण: गाउँपालिका अध्यक्ष र प्रहरी अधिकृतसहित आठै जना जनही १५ हजार धरौटीमा छुटे
वीरगन्ज, भदौ २९। क्यासिनो प्रकरणमा पक्राउ परेका गाउँपालिका अध्यक्ष र प्रहरी अधिकृतसहित आठै जना जनही १५ हजार रुपैयाँ धरौटी बुझाएर छुटेका छन्।क्यासिनोमा गएको आरोपमा पक्राउ परेका उनीहरूलाई सम्बन्धित निकायले अनुसन्धान तथा कानुनी प्रक्रिया अघि बढाउँदै अदालतमा उपस्थित गराएको थियो। अदालतले सुनुवाइपछि आठै जनालाई जनही १५ हजार रुपैयाँ धरौटीमा छाड्ने आदेश दिएको हो।यस प्रकरणमा सखुवा प्रसौनी गाउँपालिकाका अध्यक्ष जसवन्त यादव र प्रहरी अधिकृतसहित आठ जना पक्राउ परेका थिए। सरकारी सवारीसाधन प्रयोग गरी क्यासिनो पुगेको विषयले समेत घटनालाई थप चर्चामा ल्याएको थियो।धरौटीमा छुटे पनि घटनासम्बन्धी कानुनी प्रक्रिया भने जारी रहने बताइएको छ। प्रकरणमा संलग्न व्यक्तिहरूको भूमिकाबारे सम्बन्धित निकायले थप अनुसन्धान गर्ने जनाएको छ।
About The Author
