Breaking News
वीरगञ्जको प्रतिमा चोकमा विद्युत् पोलमा भीषण आगलागी, वरपरका घर तथा पसल जोखिममा; तत्काल दमकल पठाउन स्थानीयको आग्रह
MITHILA TIMESmithila-times.com
वीरगञ्ज । वीरगञ्जको व्यस्त प्रतिमा चोकमा विद्युत् पोलमा अचानक भीषण आगलागी भएपछि आसपासका क्षेत्रमा त्रास फैलिएको छ।विद्युत् पोलमा रहेका तारहरूमा अचानक आगो सल्किएपछि आगोको मुस्लो बढ्दै गएको स्थानीयले बताएका छन्। आगलागीका कारण प्रतिमा चोक आसपासका पसल तथा घरहरू समेत जोखिममा परेका छन्। प्रारम्भिक रूपमा विद्युत् सर्टका कारण आगलागी भएको हुनसक्ने अनुमान गरिएको छ।घटनापछि स्थानीयवासीले सम्बन्धित निकाय, नेपाल विद्युत् प्राधिकरण तथा दमकललाई तत्काल खबर गरी आगो नियन्त्रणमा लिन आग्रह गरेका छन्। आगो समयमै नियन्त्रणमा नआए थप क्षति हुनसक्ने भन्दै स्थानीयले तत्काल दमकल र प्राविधिक टोली घटनास्थलमा पठाउन माग गरेका छन्।घटनास्थलमा प्रहरीसमेत पुगेको बताइएको छ। आगलागीबाट भएको क्षति तथा घटनाको विस्तृत विवरण भने आउन बाँकी रहेको छ।
About The Author
