News
पश्चिम नवलपरासीबाट ९ करोड १४ लाख ८४ हजार बराबरको अवैध चोरी निकासीका सामानसहित पिकअप गाडी बरामद
MITHILA TIMESmithila-times.com
पश्चिम नवलपरासी । सशस्त्र प्रहरी बल, नेपालले पश्चिम नवलपरासीबाट ठूलो परिमाणमा अवैध चोरी निकासीका सामानसहित पिकअप गाडी बरामद गरेको छ।
सशस्त्र प्रहरी बल, नेपाल नम्बर ५ विन्ध्यवासिनी बाहिनी मुख्यालय चितवन मातहतबाट खटिएको टोलीले सीमा क्षेत्रमा चेकजाँच गर्ने क्रममा ९ करोड १४ लाख ८४ हजार रुपैयाँ बराबरको अवैध सामान बरामद गरेको हो।
अवैध रूपमा भन्सार छली गरी ओसारपसार गर्न लागिएको उक्त सामान पिकअप गाडीमा लोड गरी लैजाँदै गरेको अवस्थामा नियन्त्रणमा लिइएको सशस्त्र प्रहरीले जनाएको छ। गाडी चालक भने फरार रहेको र खोजी कार्य जारी रहेको छ।
बरामद गरिएका सामान र गाडी आवश्यक कारबाहीका लागि सम्बन्धित भन्सार कार्यालयमा बुझाइएको छ।
About The Author
