सञ्चारकर्मी सर्राफमाथि आक्रमण प्रकरण: एक पक्राउ, पाँच जना अझै फरार
एस.टि.पि खबरका सञ्चारकर्मी मिथुन सर्राफमाथि भएको आक्रमणको आरोपमा प्रहरीले एक जनालाई पक्राउ गरेको छ भने अन्य पाँच जना आरोपी फरार रहेका छन्।पीडित सर्राफका अनुसार पक्राउ पर्नेमा साहिल सर्राफ रहेका छन्। घटनापछि सर्राफले गत कार्तिक १ गते आफू माथि आक्रमण भएको भन्दै प्रहरीमा उजुरी दिएका थिए। तर, अनुसन्धान प्रक्रिया सुस्त भएको गुनासो गर्दै उनले उच्च अदालतको अस्थायी इजलास वीरगंजमा रिट दायर गरेका थिए।उक्त रिटमाथि सुनुवाइ गर्दै अदालतले गत माघ १२ गते आरोपितलाई पक्राउ गरी प्रभावकारी अनुसन्धान गर्न परमादेश जारी गरेको थियो। अदालतको आदेशपछि प्रहरीले एक जनालाई नियन्त्रणमा लिन सफल भएको हो।यसैबीच, घटनामा संलग्न अन्य पाँच जना आरोपी अझै फरार रहेको सर्राफले बताएका छन्। उनीहरूको खोजी कार्य जारी रहेको प्रहरी स्रोतले जनाएको छ।पीडित सर्राफले घटनाको निष्पक्ष छानबिन गरी सबै दोषीलाई कानुनी दायरामा ल्याउन सम्बन्धित निकायसँग माग गरेका छन्
About The Author
