News
पिंगलास्थानमा प्रहरीको गोली प्रहारपछि लागुऔषध कारोबारी पक्राउ, ब्राउन सुगर बरामद
MITHILA TIMESmithila-times.com
काठमाडौंको पिंगलास्थान क्षेत्रमा लागुऔषध कारोबारीलाई नियन्त्रणमा लिने क्रममा प्रहरीले गोली चलाएको छ। लागुऔषध नियन्त्रण ब्युरोको विशेष टोलीले सञ्चालन गरेको कारबाहीका क्रममा एक जना कारोबारी गोली लागेर घाइते भएका छन्।
प्राप्त सूचनाका आधारमा सो टोली पिंगलास्थान पुगेको थियो। लागूऔषध कारोबार भइरहेको भन्ने गोप्य सूचनापछि प्रहरी टोलीले संदिग्ध व्यक्तिलाई नियन्त्रणमा लिन खोज्दा अवस्था तनावपूर्ण बनेको र सोही क्रममा गोली चलाउनु परेको प्रहरीले जनाएको छ।
गोली लागेर सामान्य घाइते भएका ती व्यक्तिलाई घटनास्थलबाटै नियन्त्रणमा लिइएको छ। उनलाई थप उपचारका लागि नजिकैको अस्पताल लगिएको जनाइएको छ।
प्रहरीले घटनास्थलबाट अन्दाजी एक किलोग्राम अवैध लागुऔषध ‘ब्राउन सुगर’ समेत बरामद गरेको छ। घटनाबारे थप अनुसन्धान भइरहेको प्रहरीले जनाएको छ।
About The Author
