कलैया, २० माघ। सरकारले सामाजिक सञ्जालसम्बन्धी विधेयक संघीय संसद्बाट फिर्ता लिने निर्णय गरेको छ। प्रधानमन्त्री निवास बालुवाटारमा बसेको मन्त्रिपरिषद् बैठकले सामाजिक सञ्जालको सञ्चालन, प्रयोग तथा नियमनसम्बन्धी व्यवस्था गर्न तयार पारिएको ‘सामाजिक सञ्जाल विधेयक, २०८१’ फिर्ता लिने प्रस्ताव स्वीकृत गरेको हो।बैठकपछि जानकारी दिँदै सरकारका प्रवक्ता तथा गृहमन्त्री ओमप्रकाश अर्यालले संसद्मा विचाराधीन उक्त विधेयक फिर्ता लिने निर्णय भएको बताएका छन्। उनका अनुसार विधेयकबारे उठेका विभिन्न चासो र सुझावलाई ध्यानमा राख्दै सरकार पुनरावलोकनको दिशामा अघि बढ्न चाहेको हो।यसैगरी मन्त्रिपरिषद् बैठकले निर्माणाधीन संघीय संसद् भवन परिसरमा जेनजी आन्दोलनका सहिदहरूको शालिक निर्माण गर्ने निर्णय पनि गरेको छ। शालिक निर्माणका लागि सिंहदरबार परिसरको गुरुयोजना संशोधन गरिने प्रवक्ता अर्यालले जानकारी दिएका छन्।सरकारको यस निर्णयसँगै सामाजिक सञ्जालसम्बन्धी कानुनी व्यवस्था नयाँ ढाँचामा पुनः तयारी गरी अघि बढाइने संकेत गरिएको
About The Author
